ខេត្តកណ្តាល៖ នៅថ្ងៃអង្គារ ៣កើត ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៤ ខែមករា ឆ្នាំ២០២៣ ឯកឧត្ដម ផុន លីវិរៈ អគ្គនាយករង បានដឹកនាំមន្រ្តីជំនាញនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជេីញចូលរួមក្នុងកម្មវិធីបណ្តុះបណ្តាលរំលឹកឡេីងវិញ​ ស្ដីពី​ របៀបកត់ត្រាការងារអត្រានុកូលដ្ឋាន​ និងសៀវភៅស្រង់ស្ថិតិកំណេីត​ អាពាហ៍ពិពាហ៍​ មរណភាព​ និងលិខិតបទដ្ឋានគតិយុត្តថ្មីៗ។ ក្នុងនេះដែរក៏មានការអញ្ជើញចូលរួមពី ឯកឧត្តម​ អភិបាលរងខេត្ត​ លោក លោកស្រីអភិបាលរងស្រុកទទួលបន្ទុកការងារអត្រានុកូលដ្ឋាន និងលោកប្រធានការិយាល័យ លោក លោកស្រីអនុប្រធានការិយាល័យរដ្ឋបាលស្រុក ព្រមទាំងលោកមេឃុំ ស្មៀន និងមន្រ្តីជំនួយការឃុំជាច្រើនផងដែរ៕