នៅព្រឹកថ្ងៃពុធ ៣កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៥ ខែមករា ឆ្នាំ២០២២ ថ្នាក់ដឹកនាំ និងក្រុមការងារ នៃអគ្គនាយកដ្ឋាន​អត្តសញ្ញាណកម្ម បានអញ្ជើញចូលរួមក្នុងកិច្ច​ប្រជុំអន្តរ​ក្រសួងពិនិត្យ និងពិភាក្សា​បន្តលើសេចក្ដីព្រាងច្បាប់ ស្ដីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ក្រោមអធិបតីភាព លោកជំទាវ ចាន់ សុទ្ធាវី រដ្ឋលេខាធិការប្រចាំការ ក្រសួងយុត្តិធម៌ និងជាប្រធានក្រុម​ការ​ងាររៀបចំតាក់តែងសេចក្ដីព្រាងច្បាប់ ស្ដីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម តាមរយៈ Video Zoom។ កិច្ចប្រជុំនេះផងដែរក៏មានការអញ្ជើញចូលរួមពី ឯកឧត្តម រដ្ឋលេខាធិការ ក្រសួងមហាផ្ទៃ ឯកឧត្តម អគ្គនាយករង ព្រមទាំងសមាជិក សមាជិកាក្រុមការងារ អ្នកជំនាញផ្នែក​ច្បាប់របស់ក្រសួងយុត្តិធម៌ និងមន្រ្តីពាក់ព័ន្ធ​ជាច្រើន​រូប​ផងដែរ។

កិច្ចប្រជុំព្រឹកនេះបញ្ចប់ត្រឹមជំពូក៩ មាត្រា១៦៧ ការត្រួតពិនិត្យនិងការធ្វើសវនកម្មផ្ទៃក្នុង/អធិការកិច្ច៕