រាជធានីភ្នំពេញ៖ នៅរសៀលថ្ងៃសុក្រ ៤រោច ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២១ ខែមករា ឆ្នាំ២០២២ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុង​កិច្ចប្រជុំផ្ដល់បទសម្ភាសជាមួយអ្នកស្រាវជ្រាវកម្មវិធី ASEAN-ACT/ODI ពាក់ព័ន្ធនឹងការវិភាគផ្នែកនយោបាយលើការជួញដូរមនុស្សនៅអាស៊ីអាគ្នេយ៍ ដោយកម្មវិធីអាស៊ាន-អូស្រ្តាលីប្រឆាំង​ការជួញដូរមនុស្ស នៅសប្ដាហ៍ទី៣ ខែមករា ឆ្នាំ២០២២ ក្រោមអធិបតីភាព ឯកឧត្តម មុំ ប៊ុនថន អនុរដ្ឋលេខាធិការ ក្រសួងសង្គមកិច្ច តំណាងឯកឧត្តម ញ៉ឹក វណ្ណារ៉ា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា។ ក្នុងកិច្ចប្រជុំនេះក៏មានការចូលរួមពី ឯកឧត្តម លោកជំទាវ លោក លោកស្រី តំណាងអគ្គនាយកដ្ឋាន​នានា​ចំណុះ​ក្រសួងមហាផ្ទៃ និងក្រសួង ស្ថាប័ន អង្គភាពជំនាញពាក់​ព័ន្ធជាច្រើនផងដែរ៕