រាជធានីភ្នំពេញ៖ នៅព្រឹកថ្ងៃពុធ ៤រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២០ ខែមេសា ឆ្នាំ២០២២ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងសិក្ខាសាលាពិគ្រោះយោបល់ចុងក្រោយលើសេចក្ដីព្រាង “ផែនការយុទ្ធសាស្រ្តសុខាភិបាល ឆ្នាំ២០២២-២០៣០” និងសេចក្ដីព្រាង “យុទ្ធសាស្រ្តឌីជីថលសុខាភិបាល ឆ្នាំ២០២២-២០៣០ នៅសណ្ឋាគារហ៊ីម៉ាវ៉ារី រាជធានីភ្នំពេញក្រោមអធិបតីភាព ឯកឧត្តម វេជ្ជបណ្ឌិត ឡូ វាសនាគីរី រដ្ឋលេខាធិការក្រសួងសុខាភិបាល តំណាង ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល។ ក្នុងពិធីនេះក៏មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ក្រសួងស្ថាប័នពាក់ព័ន្ធនានា តំណាងថ្នាក់ក្រោមជាតិ ដៃគូអភិឌ្ឍេន៍ និងអង្គការសង្គមស៊ីវិលពាក់ព័ន្ធនានាជាច្រើនផងដែរ៕