រាជធានីភ្នំពេញ៖ នៅព្រឹកថ្ងៃចន្ទ ១២រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៨ ខែកុម្ភៈ ឆ្នាំ២០២២ លោកជំទាវ ឧត្តមសេនីយ៍ឯក លឹម រស្មី អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋាន​អត្តសញ្ញាណកម្ម បានដឹកនាំសមាជិកក្រុមការងារជំនាញ​នាយក​ដ្ឋានអត្រានុកូលដ្ឋាន អញ្ជើញចូលរួមក្នុងពិធីផ្សព្វផ្សាយ​ដាក់​ឱ្យប្រើប្រាស់នូវសៀវភៅរបាយការណ៍ របស់គណៈកម្មាធិការអាស៊ាន ស្ដីពី ការលើកកម្ពស់ និងការពារសិទ្ធិស្រ្តី និងកុមារ (ACWC) ស្ដីពី អត្តសញ្ញាណស្របច្បាប់សម្រាប់ស្រ្តី និងកុមារក្នុងតំបន់អាស៊ាន ក្រោមអធិបតីភាព ឯកឧត្តម ម៉ែន សុចិត្រ រដ្ឋលេខាធិការ តំណាង ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា។ ក្នុងកិច្ចប្រជុំនេះក៏មានការចូលរួមពី ឯកឧត្តម លោកជំទាវ លោក លោកស្រី តំណាងអគ្គនាយកដ្ឋាននានា​ចំណុះក្រសួងមហាផ្ទៃ និងក្រសួង ស្ថាប័ន អង្គការក្នុងនិងក្រៅ​រដ្ឋាភិបាលជំនាញពាក់ព័ន្ធជាច្រើនផងដែរ៕