ខេត្តបាត់ដំបង៖ នៅថ្ងៃព្រហស្បតិ៍ ៨កើត ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១០ ខែមីនា ឆ្នាំ២០២២ ការិយាល័យគ្រប់គ្រងការស្នាក់នៅ នៃស្នងការដ្ឋាននគរបាលខេត្តបាត់ដំបង បានរៀបចំកិច្ចប្រជុំប្រចាំខែ ស្តីពី លទ្ធផលការងាររបស់អធិការដ្ឋាននគរបាលក្រុង-ស្រុក ដែលបានអនុវត្តរយៈពេល១ខែកន្លងមក និងលើកពីបញ្ហាប្រឈម ព្រមទាំងដំណោះស្រាយ ដាក់ជូនអង្គប្រជុំដើម្បីការិយាល័យធ្វើការដោះស្រាយរួមគ្នាក្នុងគោលបំណងតម្រង់ទិស ស្របតាមសេចក្តីណែនាំរបស់ថ្នាក់លើ និងធ្វើការបើកឯកសារការងារគ្រប់គ្រងស្នាក់នៅជូនតាមបណ្តាក្រុង-ស្រុក ដើម្បីចែកជូនតាមបណ្តាប៉ុស្តិ៍នគរបាលរដ្ឋបាលផ្តល់ជូនប្រជាពលរដ្ឋប្រើប្រាស់។