អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃព្រហស្បតិ៍ ៧រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៤ ខែមីនា ឆ្នាំ២០២២ ឯកឧត្តម ឧត្តមសេនីយ៍ឯក តាត និមល អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំពិនិត្យ និងពិភាក្សាទៅលើបៀបវារៈចំនួន ០៤ ចំណុចរួមមាន៖

១.ពិនិត្យទៅលើវឌ្ឍនភាពការងារ

២.ពិនិត្យទៅលើសេចក្ដីព្រាងបឋមលិខិតបទដ្ឋានគតិយុត្តក្រោមច្បាប់របស់នាយកដ្ឋានស្ថិតិប្រជាពលរដ្ឋ នាយកដ្ឋានអត្រានុកូលដ្ឋាន និងនាយកដ្ឋានអត្តសញ្ញាណប័ណ្ណសញ្ជាតិខ្មែរ

៣.ពិនិត្យពិភាក្សាទាក់ទងទៅនឹងលិខិតបទដ្ឋានគតិដែលកំពុងអនុវត្តសព្វថ្ងៃ ដែលមានអត្ថន័យដូច ផ្ទុយ និងប្រហាក់ប្រហែលទៅនឹងសេចក្ដីព្រាងច្បាប់អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម

៤.និងបញ្ហាផ្សេងៗ

កិច្ចប្រជុំនេះក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាន អនុប្រធាននាយកដ្ឋាន និងសមាជិកក្រុមការងារទាំងអស់ផងដែរ៕