នៅរសៀលថ្ងៃអង្គារ ៤រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៧ ខែកញ្ញា ឆ្នាំ២០១៩ ឯកឧត្ដម យិន ម៉ាលីណា អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំពិភាក្សាជាមួយគណៈប្រតិភូពីអង្គការ Vital Strategies និងមូលនិធិ Bloomberg Philanthropies ដែលដឹកនាំដោយ Dr. Philip Setel ស្ដីពី កិច្ចសហប្រតិបត្តិការលើគម្រោង Data for Health Initiative។ នៅក្នុងកិច្ចប្រជុំនេះផងដែរក៏មានការអញ្ជើញចូលរួម ឯកឧត្តម អគ្គនាយករង លោកប្រធាន លោក លោកស្រីអនុប្រធាននាយកដ្ឋាន ចំណុះអគ្គនាយកដ្ឋានអត្តសញ្ញាណកម្ម និងគណៈប្រតិភូមកពីមូលនិធិ Bloomberg Philanthropies និងអង្គការ Vital Strategies។ ក្រោយបញ្ចប់កិច្ចប្រជុំពិភាក្សាគណៈប្រតិភូក៏បានអញ្ជើញបន្តទៅទស្សនកិច្ចសិក្សាលើការងារចុះបញ្ជី អត្រានុកូលដ្ឋានជាក់ស្ដែង នៅសាលាសង្កាត់និរោធ ខណ្ឌច្បារអំពៅ រាជធានីភ្នំពេញ៕