ទីស្តីការក្រសួងមហាផ្ទៃ៖ នៅព្រឹកថ្ងៃព្រហស្បតិ៍ ៤រោច ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៩ ខែកុម្ភៈ ឆ្នាំ២០២៣ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បាន​អញ្ជើញ​ចូលរួមក្នុងកិច្ចប្រជុំក្រុមការងារទទួលខុសត្រូវដឹកនាំ និង​ជំរុញ​ការងារផ្ដល់អត្តសញ្ញាណប័ណ្ណសញ្ជាតិខ្មែរទុតិយតា ក្រោម​អ​ធិ​​បតីភាព ឯកឧត្តម សន្តិបណ្ឌិត ម៉ៅ ច័ន្ទតារា រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារ។ ក្នុងកិច្ច​ប្រជុំ​នេះ​ផងដែរក៏មានការចូលរួមពី ឯកឧត្តម ប្រធានក្រុមប្រឹក្សានីតិកម្ម ក្រសួងមហាផ្ទៃ ឯកឧត្តម អគ្គនាយករង ចំណុះអគ្គនា​យក​ដ្ឋាន​អត្តសញ្ញាណកម្ម ឯកឧត្តម អគ្គស្នងការរង តំណាង ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ លោកប្រធាននាយកដ្ឋាន អនុប្រធាននាយកដ្ឋាន ចំណុះ​ក្រ​សួង​មហាផ្ទៃ និងអង្គភាពជំនាញពាក់ព័ន្ធជាច្រើនផងដែរ៕