យោងតាមអនុសាសន៍ណែនាំដ៏ខ្ពង់ខ្ពស់របស់ លោកជំទាវ កែ សួនសុភី ស សុខា នៅព្រឹកថ្ងៃសៅរ៍ ៩រោច ខែអាសាឍ ឆ្នាំម្សាញ់ សប្តស័ក ព.ស២៥៦៩ត្រូវនឹងថ្ងៃទី១៩ ខែកក្កដា ឆ្នាំ២០២៥ លោកជំទាវ ថាំ វ៉ាន់នីកា តុប នេត សមាជិកាកិត្តិយស នៃគណៈកម្មាការសាខាសមាគមនារី ក្រសួងមហាផ្ទៃ អមដំណើរដោយ សមាជិកា ក្រុមការងារយេនឌ័រ នៃអគ្គនាយកដ្ឋានអត្តសញ្ញាណកម្ម បានអញ្ជើញចុះសួរសុខទុក្ខលោកស្រី អនុសេនីយ៍ឯក ហួន កែវកន្និកា នាយផ្នែក នៃនាយកដ្ឋានសញ្ជាតិ ចំណុះអគ្គនាយកដ្ឋានអត្តសញ្ញាណកម្ម ដែលបានសម្រាលបានកូនប្រុស នៅមន្ទីពេទ្យកាល់ម៉ែត្រ (អគារតេជោសន្ដិភាព) និងបាននាំយកថវិកា ដែលផ្តល់ដោយឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក មានកាដូរ កន្ត្រកផ្លែឈើ និងថវិកា ដែលជាទឹកចិត្តរបស់ឯកឧត្តម ឧត្តមសេនីយ៏ឯក បណ្ឌិត អគ្គនាយក និងលោកជំទាវ ឧត្តមសេនីយ៏ឯក អគ្គនាយករងផងដែរ។