ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញជាគណៈអធិបតីក្នុងពិធីសិក្ខាសាលាផ្សព្វផ្សាយ ស្ដីពីលទ្ធផល នៃការអនុវត្តសាកល្បងនូវគម្រោងធ្វើសុខជុមនីយកម្មប្រព័ន្ធ ចុះបញ្ជី និងគ្រប់គ្រងទិន្នន័យគាំពារសង្គម

នៅព្រឹកថ្ងៃអង្គារ ៤រោច ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៣ ខែតុលា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញជាគណៈអធិបតីក្នុងពិធីសិក្ខាសាលាផ្សព្វផ្សាយ ស្ដីពីលទ្ធផល នៃការអនុវត្តសាកល្បងនូវគម្រោងធ្វើសុខជុមនីយកម្មប្រព័ន្ធ ចុះបញ្ជី និងគ្រប់គ្រងទិន្នន័យគាំពារសង្គម ក្រោមអធិបតីភាព លោកជំទាវ ប៉ែន សុបភា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការប្រតិបត្តិ នៃក្រុមប្រឹក្សាជាតិគាំពារសង្គម។

ក្នុងពិធីនេះបានប្រព្រឹត្តទៅនៅសណ្ឋាគារ សូហ្វីតែល ភ្នំពេញ ភូគីត្រា ក៏មានការអញ្ជើញចូលរួមពីសំណាក់ ឯកឧត្តម លោកជំទាវ មកពីក្រសួង ស្ថានប័នថ្នាក់ និងថ្នាក់ក្រោមជាតិ ព្រមទាំងតំណាងដៃគូអភិវឌ្ឍន៍ សរុបចំនួន ៩០នាក់។ កិច្ចសិក្ខាសាលាផ្សព្វផ្សាយនេះផងដែរ មានការចូលរួមធ្វើបទបង្ហាញ ពីក្រុមការងារបច្ចេកទេសសម្រាប់ធ្វើសុខដុមនីយកម្មប្រព័ន្ធចុះបញ្ជី និងគ្រប់គ្រងទិន្នន័យគាំពារសង្គម នៃអគ្គលេខាធិការដ្ឋានក្រុមប្រឹក្សាជាតិគាំពារសង្គម និងទីប្រឹក្សា នៃភ្នាក់ងារអាល្លឺម៉ង់សម្រាប់ការអភិវឌ្ឍអន្តរជាតិ៕