ទីស្ដីការក្រសួងមហាផ្ទៃ៖ នៅថ្ងៃពុធ ១០កើត ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៤ ខែសីហា ឆ្នាំ២០២៤ ឯកឧត្តម ឧត្តមសេនីយ៍ឯក តាត និមល អគ្គនាយករង តំណាងឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំពិនិត្យ និងពិភាក្សាលើសេចក្ដីព្រាងវិសោធនកម្មច្បាប់ ស្ដីពី ការបង្ក្រាបល្បែងស៊ីសងខុសច្បាប់ ក្រោមអធិបតីភាព ឯកឧត្តម ប៊ុន ហ៊ុន រដ្ឋលេខាធិការ ក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម អនុរដ្ឋរដ្ឋលេខាធិការ ឯកឧត្ដម អគ្គនាយក ឯកឧត្តម អគ្គស្នងការរង អគ្គនាយករង អនុប្រធានក្រុមប្រឹក្សានីតិកម្ម លោកប្រធាននាយកដ្ឋាន ប្រធានអង្គភាព លោក លោកស្រីអនុប្រធាននាយកដ្ឋាន អនុប្រធានអង្គភាព លោកនាយការិយាល័យ និងលោក លោកស្រីដែលពាក់ព័ន្ធជាច្រើនរូបទៀត៕