នារសៀលថ្ងៃព្រហស្បតិ៍ ទី៦ ខែកុម្ភៈ ឆ្នាំ២០២៥ ក្រុមការងារជំនាញនាយកដ្ឋានអត្រានុកូលដ្ឋាន និងនាយកដ្ឋានគ្រប់គ្រងប្រព័ន្ធព័ត៌មានវិទ្យា បានអញ្ជើញប្រជុំពិភាក្សាជាមួយរដ្ឋបាលខេត្តកំពង់ចាម ដើម្បីវាយតម្លៃប្រព័ន្ធគ្រប់គ្រងសេវារដ្ឋបាល ដោយផ្តោតលើសេវាចុះបញ្ជីអត្រានុកូលដ្ឋាន។

កិច្ចប្រជុំនេះមានសមាសភាពចូលរួមចំនួន១៤នាក់ ស្រី០២នាក់ និងទទួលបានលទ្ធផលដូចខាងក្រោម៖

១- ការធ្វើបទបង្ហាញរបស់រដ្ឋបាលខេត្ត និងការបង្ហាញប្រព័ន្ធ

២- ការពិភាក្សា សំណួរ ចម្លើយ និងមតិយោបល់នានា និងការឆ្លើយតបទៅនឹងសំណូមពររបស់រដ្ឋបាលខេត្ត។

ជាទីបញ្ចប់ ឯកឧត្តម អភិបាលរងខេត្ត បានស្នើអោយក្រុមការងារថ្នាក់ជាតិបន្តជួយគាំទ្រ ដល់រដ្ឋបាលខេត្តបន្ថែមទៀត ដើម្បីអោយប្រព័ន្ធគ្រប់គ្រងសេវារដ្ឋបាល និងចុះបញ្ជីអត្រានុកូលដ្ឋានរបស់រដ្ឋបាលខេត្តដំណើរការដោយរលូន៕