នៅព្រឹកថ្ងៃព្រហស្បតិ៍ ៥រោច ខែស្រាពណ៍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៤ ខែសីហា ឆ្នាំ២០២៥ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារតាមដាន ត្រួតពិនិត្យ និងវាយតម្លៃ បានអញ្ជើញជាអធិបតីក្នុងពិធីបើក និងដឹកនាំវគ្គបណ្តុះបណ្តាលចែករំលែកចំណេះដឹងមូលដ្ឋានស្ដីពីការតាមដាន ត្រួតពិនិត្យ និងវាយតម្លៃ នៅអគ្គនាយកដ្ឋានអត្តសញ្ញាណកម្ម។ ដោយមានការអញ្ជើញចូលរួមពី លោក ញឹម ដាឡែន និងលោក ពាង សិរីវឌ្ឍន៍ ជាគ្រូឧទ្ទេស។

ក្នុងវគ្គបណ្ដុះបណ្ដាលនេះ ក៏មានការអញ្ជើញចូលរួមពីសំណាក់ ឯកឧត្តម ឧត្ដមសេនីយ៍ឯក សុក្រឹត្យ ថនឥស្សរ៉ា អគ្គនាយករង និងឯកឧត្ដម សុខ ចំរើន អគ្គនាយករង ព្រមទាំងលោកប្រធាននាយកដ្ឋាន លោក លោកស្រីអនុប្រធាននាយកដ្ឋាន និងលោក លោកស្រីសមាជិកក្រុមការងារតាមដាន ត្រួតពិនិត្យ និងវាយតម្លៃទាំងអស់ ចំណុះនាយកដ្ឋានពាក់ព័ន្ធ នៃអគ្គនាយកដ្ឋានអត្តសញ្ញាណកម្ម។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915