ទីស្ដីការគណៈរដ្ឋមន្ត្រី៖ នៅថ្ងៃសុក្រទី២១ ខែវិច្ឆិកា ឆ្នាំ២០២៥ ឯកឧត្ដម ឧត្ដមសេនីយ៍ឯក តាត និមល អគ្គនាយករង និងឯកឧត្ដម គឹម វឌ្ឍនសោភ័ណ អគ្គនាយករង និងជាប្រធាននាយកដ្ឋានសញ្ជាតិ តំណាងឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមអមដំណើរសមាសភាពតំណាងក្រសួងមហាផ្ទៃ ដឹកនាំដោយឯកឧត្ដម ប៊ុន ហុន រដ្ឋលេខាធិការក្រសួងមហាផ្ទៃ ដើម្បីចូលរួមកិច្ចប្រជុំអន្តរក្រសួងចង្អៀត ពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពីការអនុវត្តច្បាប់ស្ដីពីសញ្ជាតិ ក្រោមអធិបតីភាពដ៏ខ្ពង់ខ្ពស់ឯកឧត្តម ហ៊ីង ថូរ៉ាក់ស៊ី រដ្ឋលេខាធិការប្រចាំការទីស្ដីការគណៈរដ្ឋមន្ត្រី នៅទីស្ដីការគណៈរដ្ឋមន្ត្រី។

កិច្ចប្រជុំនេះ ក៏មានការអញ្ជើញចូលរួមពី ឯកឧត្ដម លោកជំទាវ តំណាងទីស្ដីការគណៈរដ្ឋមន្ត្រី តំណាងក្រសួងស្ថាប័នពាក់ព័ន្ធ តំណាងក្រុមប្រឹក្សាអ្នកច្បាប់ តំណាងក្រុមប្រឹក្សាអភិវឌ្ឍន៍កម្ពុជា តំណាងក្រុមប្រឹក្សាជាតិភាសាខ្មែរ ព្រមទាំងឯកឧត្ដម លោកជំទាវ លោក លោកស្រី និងអ្នកពាក់ព័ន្ធមួយចំនួន។