រាជធានីភ្នំពេញ៖ នៅព្រឹកថ្ងៃអង្គារ ៥កើត ខែមិគសិរ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៥ ខែវិច្ឆិកា ឆ្នាំ២០២៥ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំក្រុមការងារបច្ចេកទេស ដើម្បីពិនិត្យសេចក្ដីព្រាងនីតិវិធីប្រតិបត្តិនៃការអនុវត្តអនុស្សរណៈនៃការយោគយល់ ស្ដីពីការពង្រឹងកិច្ចសហប្រតិបត្តិការកិច្ចការពារកុមារក្នុងបរិទេសន្តរប្រវេសន៍ ក្រោមអធិបតីភាព លោកជំទាវ ញ៉េប សុភាព រដ្ឋលេខាធិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ តំណាងក្រសួង ស្ថាប័ននានា ព្រមទាំងលោក លោកស្រី តំណាងអង្គភាព និងអង្គការដៃគូពាក់ព័ន្ធ ទាំងអស់សរុបប្រមាណ ៣៣នាក់ ផងដែរ។