ខេត្តកណ្តាល៖ នៅព្រឹកថ្ងៃចន្ទ ៨កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៦ ខែមករា ឆ្នាំ២០២៦ ឯកឧត្ដម គួច ចំរើន អភិបាល នៃគណៈអភិបាលខេត្តកណ្តាល និង ឯកឧត្តម គឹម វឌ្ឍនសោភ័ណ អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារ ប្រចាំភូមិភាគ៣ (ខេត្តកណ្តាល) បានអញ្ជើញជាសហធិបតីភាពដឹកនាំកិច្ចប្រជុំស្ដីពីការគាំទ្រ តាមដាន និងជំរុញការផ្ដល់អត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀតជូនប្រជាពលរដ្ឋទូទៅ និងប្រជាពលរដ្ឋខ្មែរដែលទើបវិលត្រលប់ពីប្រទេសថៃ នៅសាលប្រជុំខេត្តកណ្តាល។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម ឧត្តមសេនីយ៍ទោ ហេង ចំរើន អគ្គនាយករង លោក លោកស្រី អនុប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្ម លោកជំទាវ អភិបាលរងខេត្ត លោកស្នងការរងទទួលបន្ទុកការងារអត្តសញ្ញាណកម្ម និងលោក លោកស្រី អភិបាលក្រុង ស្រុក ខណ្ឌ លោក លោកស្រីមេឃុំ ចៅសង្កាត់ ព្រមទាំងលោកអធិការ នាយបុស្តិ៍នគរបាលរដ្ឋបាល ដែលមានសមាសភាពចូលរួមសរុប ៤៦៧ រូប។