ទីក្រុង រ៉ាបាត ប្រទេសម៉ារ៉ុក៖ តបតាមការអញ្ជើញរបស់ វិទ្យាស្ថានព័ត៍មានវិទ្យាអន្តរជាតិ-បាងគ្លូ ឯកឧត្តម ឧត្តមសេនីយ៍ទោ ហេង ចំរេីន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជេីញដឹកនាំគណៈប្រតិភូ នៃអគ្គនាយកដ្ឋានអត្តសញ្ញាណកម្ម ចូលរួមកម្មវិធី MOSIP connect 2026 ដែលរៀបចំឡើងដោយវិទ្យាស្ថានព័ត៍មានវិទ្យាអន្តរជាតិ-បាងគ្លូ សហការជាមួយ ក្រសួងមហាផ្ទៃ នៃព្រះរាជាណាចក្រម៉ារ៉ុក ចាប់ពីថ្ងៃទី ១០ ដល់ ១៣ ខែកុម្ភៈ ឆ្នាំ២០២៦ ។

កម្មវិធីនេះបានប្រព្រឹត្តឡើងនៅ សាកលវិទ្យាល័យ Mohammad VI Polytechnic University (UM6P)-Salé Campus ដោយមានការចូលរួមពីប្រទេសជាដៃគូចំនួន ៣៥ប្រទេស ដែលមានសមាជិកប្រមាណជាង ១២០រូប របស់ MOSIP ដែលជាវេទិកាសកលមួយ សម្រាប់ថ្នាក់ដឹកនាំ អ្នកជំនាញបច្ចេកវិទ្យា និងភាគីពាក់ព័ន្ធជាច្រើនក្នុងវិស័យអត្តសញ្ញាណឌីជីថល ដើម្បីចែករំលែកចំណេះដឹង ស្វែងយល់ពីបទពិសោធន៍ និងពិភាក្សាអំពីអនាគតនៃប្រព័ន្ធអត្តសញ្ញាណឌីជីថល និងហេដ្ឋារចនាសម្ព័ន្ធឌីជីថលសាធារណៈ (DPI) និងផ្តល់ឱកាសឱ្យប្រទេសនានា បង្ហាញពីវឌ្ឍនភាព បញ្ហាប្រឈម និងសមិទ្ធផលសំខាន់ៗ ដើម្បីចែករំលែកចំណេះដឹង និងសិក្សារួមគ្នា។