ទីស្តីការក្រសួងមហាផ្ទៃ៖ នៅរសៀលថ្ងៃព្រហស្បតិ៍ ១៥កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែមករា ឆ្នាំ២០២១ លោកជំទាវ ឧត្តមសេនីយ៍ឯក លឹម រស្មី អគ្គនាយករង តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញ​ចូលរួមក្នុងកិច្ចប្រជុំឆ្លងរបាយការណ៍ ការងារ​ប្រយុទ្ធប្រឆាំងអំពើជួញជូរមនុស្សឆ្នាំ២០២០ និងលើក​ទិសដៅការងារឆ្នាំ២០២១ ក្រោមអធិបតីភាព លោកជំទាវ ជូ ប៊ុនអេង រដ្ឋលេខាធិ​ការក្រសួងមហាផ្ទៃ និងជាអនុប្រធាន​អចិន្រ្តៃយ៍​ នៃគណៈ​កម្មាធិការជាតិប្រយុទ្ធ​ប្រឆាំងអំពើ​ជួញដូរ​មនុស្ស។ កិច្ចប្រជុំនេះ​ផង​ដែរ​ក៏មានការ​អញ្ជើញចូលរួម ឯកឧត្តម លោកជំទាវ ថ្នាក់ដឹក​នាំ​ក្រសួងនានា រដ្ឋលេខាធិការ អនុរដ្ឋលេខាធិការ អគ្គលេខា​ធិ​ការ ឯកឧត្តម លោកជំទាវ អគ្គនាយក អគ្គនាយករង អភិបាលរាជធានី ខេត្ត តំណាងអង្គភាពចំណុះក្រសួងមហាផ្ទៃ ព្រមទាំង អង្គការជាតិ អន្តរជាតិ និងស្ថាប័នពាក់ព័ន្ធ​ជាច្រើនទៀត៕