ខេត្តកោះកុង៖ នៅរសៀលថ្ងៃសុក្រ ១១កើត ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៧ ខែកុម្ភៈ ឆ្នាំ២០២៦ ឯកឧត្តម ឧត្តមសេនីយ៍ទោ ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារភូមិភាគ៧ និងឯកឧត្ដម សុខ ចេង អភិបាលរង នៃគណៈអភិបាលខេត្តព្រះសីហនុ បានអញ្ជើញជាសហធិបតី ក្នុងពិធីប្រកាសសមាសភាពសេចក្ដីសម្រេចលេខ១៣២០០ សសរ របស់ក្រសួងមហាផ្ទៃ និងសេចក្តីសម្រេចលេខ០០៩ សសរ របស់រដ្ឋបាលខេត្តកោះកុង ស្ដីពី ការចាត់តាំងក្រុមការងារដឹកនាំគាំទ្រ តាមដាន ជំរុញ និងអនុវត្តការផ្ដល់អត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀតជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទើបវិលត្រលប់ពីប្រទេសថៃ នៅសាលមហាស្រពខេត្តកោះកុង។

ក្នុងពិធីនេះ ក៏មានការអញ្ជើញចូលរួមពី លោកអនុប្រធាននាយកដ្ឋាន លោកប្រធាន/នាយការិយាល័យ នៃអគ្គនាយកដ្ឋានអត្តសញ្ញាណកម្ម លោកស្នងការនគរបាលខេត្ត លោក លោកស្រី នាយករងរដ្ឋបាលខេត្ត ទីចាត់ការរដ្ឋបាល ស្នងការរងទទួលបន្ទុកការងារអត្តសញ្ញាណកម្ម លោកអភិបាលក្រុង ស្រុក ប្រធានមន្ទីរជុំវិញខេត្ត អធិការក្រុង ស្រុក មេឃុំ ចៅសង្កាត់ នាយប៉ុស្តិ៍នគរបាលរដ្ឋបាល សរុបចំនួន ១៣៥នាក់។