អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃចន្ទ ៤រោច ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៦ ខែមេសា ឆ្នាំ២០២៦ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងថ្នាក់ដឹកនាំ នៃអគ្គនាយកដ្ឋានអត្តសញ្ញាណកម្ម បានអញ្ជើញទទួលជួបប្រជុំពិភាក្សាជាមួយ លោក Kaloyan Kolev ប្រធានកម្មវិធីទទួលបន្ទុកកិច្ចសហប្រតិបត្តិការ និងតំណាអង្គការ OIF ប្រចាំតំបន់អាស៊ីប៉ាស៊ីហ្វិក និងលោក យី កុសលវឌ្ឍនៈ មន្រ្តីសម្របសម្រួលប្រចាំប្រទេសអង្គការ Vital Strategies។

កិច្ចប្រជុំពិភាក្សានេះ ត្រូវបានរៀបចំក្នុងគោលបំណងដើម្បីពិភាក្សាអំពីលទ្ធភាព ក្នុងការបន្តកិច្ចសហការលើការងារចុះបញ្ជីអត្រានុកូលដ្ឋាន ក្នុងឆ្នាំ២០២៦នេះ រួមមាន ផែនការក្នុងការដាក់ដំណើរការប្រព័ន្ធចុះបញ្ជីអត្រានុកូលដ្ឋាន (CRS) និងការអនុវត្តយុទ្ធសាស្ត្រប្រាស្រ័យទាក់ទង ដើម្បីផ្លាស់ប្តូរឥរិយាបថក្នុងសង្គម សម្រាប់ពង្រឹងការចុះបញ្ជីអត្រានុកូលដ្ឋាននៅកម្ពុជា។

ក្នុងកិច្ចប្រជុំនេះមានសមាសភាពអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន និងលោកប្រធាន អនុប្រធានការិយាល័យផងដែរ។