ទីស្ដីការក្រសួងមហាផ្ទៃ៖ នៅព្រឹកថ្ងៃចន្ទ ៣រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែឧសភា ឆ្នាំ២០២៦ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអមដំណើរដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ អញ្ជើញចុះត្រួតពិនិត្យវឌ្ឍនភាពនៃដំណើរការជួសជុលកែលម្អអគាររដ្ឋបាលរបស់នាយកដ្ឋានគ្រប់គ្រងប្រព័ន្ធព័ត៌មានវិទ្យា ក្នុងបរិវេណទីស្តីការក្រសួងមហាផ្ទៃ។

ការចុះត្រួតពិនិត្យនេះ មានគោលបំណងដើម្បីពិនិត្យវឌ្ឍនភាពនៃការរៀបចំហេដ្ឋារចនាសម្ព័ន្ធបច្ចេកវិទ្យាព័ត៌មាន និងធានាថាការបំពាក់សម្ភារៈបច្ចេកទេសឡើងវិញក្នុងទីតាំងអគារនេះ ស្របតាមស្ដង់ដារ។