ខេត្តពោធិ៍សាត់៖ នៅថ្ងៃពុធ ១០កើត ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ទោ ផុន លីវិរៈ អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំចុះសហការជាមួយរដ្ឋបាលខេត្តពោធិ៍សាត់ ដើម្បីពិនិត្យ និងវាយតម្លៃឡើងវិញ មណ្ឌលសុវត្ថិភាពជនភៀសសឹកដែលបានរៀបចំនាពេលកន្លងមកការស្ដារឡើងវិញនូវប្រព័ន្ធទឹក ប្រព័ន្ធលូ ហេដ្ឋារចនាសម្ព័ន្ធនានា និងសេវាសុខាភិបាល បរិស្ថានអនាម័យការរៀបចំប្រព័ន្ធដឹកជញ្ជូនសម្រាប់ការជម្លៀសប្រជាពលរដ្ឋ ការត្រៀមស្បៀង ថ្នាំពេទ្យ ដើម្បីបូកសរុបរបាយការណ៍រាយការណ៍អំពីបញ្ហាប្រឈម និងសំណូមពរនានាជូនក្រសួងមហាផ្ទៃ ក្រោមអធិបតីភាព ឯកឧត្តម ងួន រតនៈ រដ្ឋលេខាធិការ ក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ ឯកឧត្ដម អគ្គនាយករង អភិបាលរងខេត្ត អភិបាលស្រុក មេឃុំ កងកម្លាំងទាំងបី និងមន្ទីរជុំវិញខេត្ត។