ក្រុមការងារប្រអប់សំបុត្រទទួលមតិ សំណូមពរប្រជាពលរដ្ឋ៖ នៅក្នុងសប្តាហ៍នេះ ក្រុមការងារប្រអប់សំបុត្រទទួលមតិ សំណូមពរប្រជាពលរដ្ឋ ដឹកនាំដោយឯកឧត្តម ឧត្តមសេនីយ៍​ឯក សាយ ម៉េងឈាង អគ្គនាយករង និងជាប្រធាន​ក្រុម​ការ​ងារបានដឹកនាំ និងចាត់តាំង​ក្រុមការងារ​ចុះបើក​ប្រអប់សំបុត្រ​ទាំងអស់ដែលបានដាក់នៅតាមបណ្តាទីតាំងផ្តល់សេវាអត្តសញ្ញាណកម្ម ក្នុងគោលបំណងប្រមូលយកនូវមតិ សំណូមពរ​ប្រជាពលរដ្ឋមកពិនិត្យ និងដោះស្រាយប្រកបដោយតម្លាភាព និងការទទួលខុសត្រូវរបស់អង្គភាពផ្តល់សេវានីមួយៗ ស្រប​តាម​គោលការណ៍ដឹកនាំរបស់ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម។

?សូមបញ្ជាក់ថា ប្រអប់សំបុត្រដែល​បានដាក់​តាមទីតាំង​ផ្តល់​សេវាអត្តសញ្ញាណកម្ម ត្រូវបានបើកជាប្រចាំខែដើម្បីប្រមូល​នូវមតិ សំណូមពរប្រជាពលរដ្ឋ។

?ទន្ទឹមនេះអគ្គនាយកដ្ឋានអត្តសញ្ញាណកម្ម ក៏មានយន្តការ​មួយ​ចំនួនទៀត ដើម្បីទទួលមតិសំណូមពរ ព័ត៌មានពី​ប្រជា​ពល​រដ្ឋរួមមាន ក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស ដែលរង់ចាំឆ្លើយតបជូន​ប្រជាពលរដ្ឋ​តាម​រយៈ​ការសាកសួរតាមកម្មវិធី GDI eServices ដែលអាច​ទាញ​យក Download បានក្នុង App Store ឬ Google play និងអាចទាក់​ទង​តាម​រយៈ​លេខទូរស័ព្ទប្រចាំការរាល់ម៉ោងធ្វើការដោយឥតគិតថ្លៃលេខ ០១៧ ៨៩៨ ៩១៥ ឬលេខ ១៨០០ ២០ ៨៩១៥ ឬលេខ ១២៧១៕