ទីស្តីការក្រសួងមហាផ្ទៃ៖ នៅព្រឹកថ្ងៃពុធ ៥រោច ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១១ ខែមករា ឆ្នាំ២០២៣ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បាន​អញ្ជើញចូលរួមក្នុងកិច្ចប្រជុំពិនិត្យ ពិភាក្សាលើ​សេច​ក្ដីព្រាង​ផែនការយុទ្ធសាស្រ្តបច្ចេកវិទ្យាឌីជីថលក្រសួងមហាផ្ទៃ២០២៣-២០២៧ ក្រោម​អធិប​តីភាព ឯកឧត្តម សក់ សេដ្ឋា រដ្ឋលេខាធិការប្រចាំការ ក្រសួងមហាផ្ទៃ។ ក្នុងកិច្ចប្រជុំ​នេះផង​ដែរ​ក៏មានការអញ្ជើញ​ចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ ឯកឧត្តម នាយឧត្តមសេនីយ៍ អគ្គលេខា​ធិការ នៃអគ្គលេខាធិការដ្ឋាន និងឯកឧត្តម អគ្គនា​យ​ករង តំណាង អគ្គនាយក នៃអគ្គនាយក​ដ្ឋានចំណុះ​ក្រសួង​មហាផ្ទៃ ព្រមទាំងអង្គភាព​ជំនាញ​ពាក់​ព័ន្ធជាច្រើនផងដែរ៕