ទីស្ដីការក្រសួងមហាផ្ទៃ៖ នៅរសៀលថ្ងៃពុធ ៣កើត ខែមាឃ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២១ ខែមករា ឆ្នាំ២០២៦ ឯកឧត្តម ប៉ាវ ហម ផាន រដ្ឋលេខាធិការ ក្រសួងមហាផ្ទៃ ទទួលបន្ទុកអគ្គនាយកដ្ឋានអត្តសញ្ញាណកម្ម តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារសម្រាប់ឆ្នាំ២០២៦ របស់អគ្គនាយកដ្ឋានអត្តសញ្ញាណកម្ម នៅសាលប្រជុំ “អគារ S” ទីស្តីការក្រសួងមហាផ្ទៃ។

ពិធីបិទសន្និបាតនេះ ក៏មានការអញ្ជើញចូលរួមពីសំណាក់ ឯកឧត្តម អនុរដ្ឋលេខាធិការ ឯកឧត្តម អគ្គនាយក ឯកឧត្តម លោកជំទាវ អគ្គនាយករង តំណាងអគ្គនាយកដ្ឋាន អង្គភាពចំណុះក្រសួងមហាផ្ទៃ ឯកឧត្តម លោកជំទាវ អភិបាលរង នៃគណៈអភិបាលរាជធានីខេត្ត លោកស្នងការរងនគរបាលរាជធានី ខេត្ត លោក-លោកស្រីតំណាងអង្គការដៃគូអភិវឌ្ឍន៍ និងមន្ត្រីពាក់ព័ន្ធនៅថ្នាក់ក្រោមជាតិ សរុប ចំនួន៦៩៧រូប។

ក្រោយដំណើរការអង្គសន្និបាតរយៈពេលមួយថ្ងៃពេញ តាមរបៀបវារៈដែលបានគ្រោងទុក អង្គសន្និបាតបានពិនិត្យឃើញថា លទ្ធផលការងារប្រចាំឆ្នាំ២០២៥ លើការងារគ្រប់គ្រងអត្តសញ្ញាណ និងការផ្តល់សេវាអត្តសញ្ញាណកម្មជូនប្រជាពលរដ្ឋ ទទួលបានលទ្ធផលល្អប្រសើរគួរឱ្យកត់សម្គាល់ ក៏ដូចជាការចាប់ផ្តើមអនុវត្តសាកល្បងការចុះបញ្ជីអត្រានុកូលដ្ឋានតាមប្រព័ន្ធបច្ចេកវិទ្យាអនឡាញពីថ្នាក់មូលដ្ឋាន ឃុំ-សង្កាត់ ការងារចុះបញ្ជី និងគ្រប់គ្រងការស្នាក់នៅ ការងារអត្តសញ្ញាណបណ្ណសញ្ជាតិខ្មែរ ការងារលិខិតឆ្លងដែន និងការងារសញ្ជាតិផងដែរ។

 ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915