ខេត្តមណ្ឌលគិរី៖ នៅថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦

លោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម និងឯកឧត្ដម ហ៊ាញ ប៊ុណ្ណា អភិបាលរង នៃគណៈអភិបាលខេត្តមណ្ឌលគិរី បានអញ្ជើញជាសហធិបតី ក្នុងកិច្ចប្រជុំចុះត្រួតពិនិត្យការអនុវត្តការងារអត្រានុកូលដ្ឋាន នៅឃុំចំនួន០៧ នៃស្រុកកែវសីមា និងស្រុកអូររាំង ខេត្តមណ្ឌលគិរី។

ក្នុងកិច្ចប្រជុំត្រួតពិនិត្យនេះ ក៏មានការចូលរួមពី ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម លោក លោកស្រីនាយករងរដ្ឋបាលខេត្ត នាយទីចាត់ការរដ្ឋបាលខេត្តស្តីទី ប្រធានការិយាល័យស្ថិតិ និងអត្រានុកូលដ្ឋានខេត្ត អភិបាលរងស្រុកកែវសីមា និងស្រុកអូររាំង នាយករដ្ឋបាលស្រុកអូររាំង ប្រធានការិយាល័យរដ្ឋបាលស្រុកកែវសីមា និងស្រុកអូររាំង ប្រធានការិយាល័យច្រកចេញចូលតែមួយស្រុកកែវសីមា និងស្រុកអូររាំង មេឃុំ ស្មៀនឃុំ និងជំនួយការរដ្ឋបាលឃុំ សរុបចំនួន៣៧នាក់ ស្រី០២នាក់។