ទីស្ដីការក្រសួងមហាផ្ទៃ៖ នៅព្រឹកថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ឯកឧត្តម បណ្ឌិត តុប នេត ប្រធានក្រុមការងាររាជរដ្ឋាភិបាលចុះមូលដ្ឋានស្រុកសុីធរកណ្ដាល អញ្ជើញដឹកនាំកិច្ចប្រជុំពិភាក្សាអំពីការរៀបចំដាក់ទានព្រះវស្សានៅតាមបណ្ដាវត្ត ក្នុងស្រុកសីធរកណ្ដាល ខេត្តព្រៃវែង។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ លោក អនុប្រធានក្រុមការងាររាជរដ្ឋាភិបាលចុះមូលដ្ឋានស្រុក ប្រធានក្រុមការងារឃុំទាំង១១ ប្រធានលេខាធិការដ្ឋាន ប្រធានក្រុមការងារយុវជន ប្រធានក្រុមការងារចល័ត ប្រធានក្រុមការងារចលនាស្រ្តី ប្រធានគណៈកម្មាធិការស្រុក អនុប្រធានក្រុមការងារចុះមូលដ្ឋានស្រុក និងអស់លោក ដែលពាក់ព័ន្ធផងដែរ។