ខេត្តមណ្ឌលគិរី៖ នៅថ្ងៃព្រហស្បតិ៍ ៩កើត ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦

លោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម និងឯកឧត្ដម ហ៊ាញ ប៊ុណ្ណា អភិបាលរង តំណាងឯកឧត្តម គង់ គឹមនី អភិបាល នៃគណៈភិបាលខេត្តមណ្ឌលគិរី បានអញ្ជើញជាសហធិបតី ក្នុងពិធីបិទការត្រួតពិនិត្យការអនុវត្តការងារអត្រានុកូលដ្ឋាន ព្រមទាំងមានការបង្ហាញលទ្ធផលដែលបានរកឃើញ និងផ្តល់ការណែនាំឱ្យអនុវត្តស្របតាមបែបបទ និងនីតិវិធីដែលមានជាធរមាន។

ក្នុងពិធីបិទនេះ ក៏មានការចូលរួមពីក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម លោក លោកស្រីនាយករងរដ្ឋបាលខេត្ត នាយទីចាត់ការរដ្ឋបាលខេត្តស្តីទី ប្រធានការិយាល័យស្ថិតិ និងអត្រានុកូលដ្ឋានខេត្ត អភិបាលរងក្រុង ស្រុក នាយករដ្ឋបាលក្រុងស្រុក ប្រធានការិយាល័យរដ្ឋបាលក្រុងស្រុក ប្រធានការិយាល័យច្រកចេញចូលតែមួយក្រុងស្រុកទាំងអស់ សរុបចំនួន២២នាក់។